മുംബൈ: തെന്നിന്ത്യൻ സിനിമാതാരം ഹൻസിക മൊത്വാനിയും ബിസിനസ്സുകാരനായ സോഹേൽ ഖതൂരിയയും വിവാഹമോചിതരായി. പരസ്പര സമ്മതത്തോടെ ഇരുവരും സമർപ്പിച്ച ഹർജി പരിഗണിച്ച മുംബൈയിലെ ബാന്ദ്ര കുടുംബ കോടതിയാണ് വിവാഹമോചനം അനുവദിച്ചത്. രണ്ടു വർഷം നീണ്ട ദാമ്പത്യത്തിനൊടുവിലാണ് താരദമ്പതികൾ വേർപിരിഞ്ഞത്.
ഒത്തുചേർന്നു പോകാൻ സാധിക്കാത്ത സാഹചര്യത്തിലാണ് വേർപിരിയാൻ തീരുമാനിച്ചതെന്ന് താരവുമായി അടുത്ത വൃത്തങ്ങൾ സൂചിപ്പിക്കുന്നു. വിവാഹശേഷം ജീവിതശൈലിയിലുണ്ടായ മാറ്റങ്ങളും വ്യക്തിപരമായ അഭിപ്രായവ്യത്യാസങ്ങളുമാണ് ബന്ധത്തിൽ വിള്ളലുണ്ടാക്കിയതെന്നാണ് റിപ്പോർട്ടുകൾ. നിരന്തരമായ തർക്കങ്ങളെത്തുടർന്ന് 2024 ജൂലൈ 2 മുതൽ ഇരുവരും വേർപിരിഞ്ഞാണ് താമസിച്ചിരുന്നത്.
2022 ഡിസംബറിൽ ജയ്പൂരിലെ മുണ്ടോട്ട ഫോർട്ട് ആൻഡ് പാലസിൽ വെച്ച് അതിപ്രൗഢമായാണ് ഇവരുടെ വിവാഹം നടന്നത്. ഹൻസികയുടെ സഹോദരന്റെ സുഹൃത്തായിരുന്ന സോഹേൽ പിന്നീട് ഹൻസികയുടെ അടുത്ത സുഹൃത്തായി മാറുകയും വിവാഹിതരാകുകയുമായിരുന്നു. സോഹേലിന്റെ രണ്ടാം വിവാഹമായിരുന്നു ഇത്.
